गरीब आणि वंचित समाजला न्याय देणारी डॉ बाबासाहेब आंबेडकर यांना अभिप्रेत असलेली लोकशाही व्यवस्था भारतात अजूनपर्यंत प्रस्थापित होऊ शकली नाही. त्यामुळे भारतात एक नवीन क्रांती ची चळवळ आवश्यक आहे. भिसी ता चिमूर येथे ग्रामविश्व संघटनेची स्थापना करण्यात आली. राष्ट्रपिता महात्मा गांधी यांच्या ग्रामराज्य आणि राष्ट्रसंत तुकडोजी महाराज यांच्या ग्रामगीता या संकल्पने वर आधारित लोकशाही व्यवस्था भारताला तारु शकते. त्याशिवाय भारताला पर्याय नाही. असे प्रतिपादन श्री गजेंद्र दि चाचरकर यांनी उद्घाटनप्रसंगी केले.
माजी राज्यमंत्री डॉ रमेशकुमार गजभे, आंबेडकरी चळवळीचे पुरस्कर्ते श्री सिद्धार्थ चहांदे, मच्छिमार सोसायटी अध्यक्ष वसंता शिवरकर, जेष्ट नाटककार आनंद भिमटे, शामरावजी नागपुरे, भिमानंद भिमटे, घनश्याम जी डुकरे, प्रकाश रोकडे, रवींद्र ढोणे, डॉ दिलीप राऊत, मेहर गुरुजी आणि ग्रामविश्व चळवळीचे संस्थापक, संयोजक गजेंद्र दि चाचरकर, आणि इतरही बरीच मान्यवर कार्यक्रमाला उपस्थित होते.
भारतात भ्रष्टाचार, लाच लुचपत प्रचंड बोकाळलेली आहे. याला एक्के दूक्के कोणी मंत्री, आमदार खासदार, अधिकारी, कोणी एक यंत्रणा कारणीभूत नसून संयुक्त पणे पूर्ण व्यवस्था कारणीभूत आहे. ग्रामविश्व ही चळवळ कोण्या एका विशिष्ट माणसा विरुद्ध नसून पूर्ण व्यवस्थे विरुद्ध आहे. असा उल्लेख ग्रामविश्व चे संयोजक गजेंद्र दि चाचरकर यांनी केला.
भारतातील प्रस्थापित पक्षांनाही न सुटणारे कोणते प्रॉब्लेम्स आहेत आणि त्यावरील उपाय काय याची संक्षिप्त माहिती असलेले पॉम्प्लेट उपस्थित कार्यकर्त्यांना वाटण्यात आली.
ग्रामविश्व संघर्ष वाहिनी ही दीन दुबळ्या साठी संघर्ष करणाऱ्या संघर्ष वाहिनी या संघटनेची शाखा म्हणून कार्यरत झाली आहे. गाव हाच विश्वाचा पाया, गावातील प्रश्न गावात, गावातला न्याय गावात, गावातला पैसा गावात या थीम वर ही चळवळ उभी केली जाणार आहे.
कार्यक्रमात सुभाष पाळेकर नैसर्गिक शेती वर व्हिडीओ दाखविण्यात आला. ग्रामविश्व संघर्ष वाहिनी ही सुभाष पाळेकर नैसर्गिक शेती तंत्राची कट्टर पुरस्कर्ती आहे.
कार्यक्रम च्या आयोजन साठी सर्वश्री हरिदास मोहिणकर आणि टीम, मनोज दिघोरे, नेहरू खेडकर, लक्ष्मण भानारकर, काकाजी दिघोरे, आनंद हरी भानारकर आणि इतरही बऱ्याच कार्यकर्त्यांनी प्रचंड मेहनत घेतली.